الدنيا و ما فيها

كله تحت السيطره .ظابط كل حاجه بالمسطره . كلام بنسمعه عارفيين شويه منهه بس كتير منفهموش طيب ليه مش نتكلم عربى احسن و كمان فى الجامعه بنتكلم كله انجليزى طيب ليه الاجانب مش يفهموا لغتنا ونعمل احنا النظريات مش عارف دا حتا الواد حسن اتاتا صحبى الاقيه حالق حواجبه ويقولى دنا زى الاعب حسن بيكهام طيب يبنى ده حرام يرد ويقول لا يعم دى موضه والنبى ده كلام ده بس اللى احنا فرحنيين فيه اننا نقلد الهبل والعبط والبت شخرمانه مسكالى ليل نهار المرايه قال يعنى معلش فى الكلمه حد بيبص على منظر امها دى شكلها لا بلاش نجيب فى سيرة الناس ولا استيلها فلاحى موت وتقولك طول ماهى ماشيه
(شوف الجمال فى عيون زى عيونى)
عيون ايه كتك نيله الاهى تتعمى ولا تتحولى فى عينك وماشيه مع نص شباب الجامعه عادى فاكره ده من جمالها متعرفش ايه بيحصل من ورا دهرها يلا نرجع ونقول دى اميه .اما موضوع الساعه بقى الواد اسلام سمبوكسه طول ماهو قاعد يسمع ميتاليكا و ايفين سينس ولما يجى حد يسمعهم يقعد يأتت فى جلد امه ويقول يابنى انا بسمع الحجات دى من ونا صغير ماشى يعم عرفنا انك انجليزى طيب وبعدين اسئله كدا على القران يقولك يعم انا مش فاضى هه ودا كلام بس انا معدتش قادر اعيش فى العالم ده تانى انا رايح اعيش فى كوكب اسمه ساره بس يارب اعرف اخد الجنسيه